:)

Hæææææ :)
Það eru nokkrir búnir að spurja mig um uppskriftina af þessum súkkulaði-muffins sem ég geri stundum.

Ætla deila henni bara hérna með ykkur..

Hráefni

125 gr mjúkt smjör (eða smjörvi, eg nota hann)

125 gr sykur

100 gr hveiti

2 egg

2 msk mjólk

1 tsk lyftiduft

2 msk kakó

(Þessi uppskrift gerir ca 12 muffins minnir mig) 
Aðferð

Ofninn hitaður í 190°, smjör og sykur þeytt saman þar til það er orðið loftkennt. Eggjum og mjólk bætt við og svo sigtað hveiti, kakó og lyftiduft út í og þeytt þar til deigið er orðið jafnt.(ég sleppi oft að sigta ef ég hef lítinn tíma svo það er allt í lagi) Bakað í miðjum ofni í 10-15 mín eða þar til gaffall kemur þurr út.

Kæli kökurnar og set svo vanillu smjörkrem á.
Það passar svo vel á þessar og gerir kökurnar svoo góðar!

Smjörkrem

250 gr mjúkt smjör 

500gr flórsykur

4 tsk vanilludropar

2 msk mjólk

Þessi smjörkrems uppskrift er svoldið stór og sirka ég oft bara út hvað ég þarf mikið. En alltaf betra að hafa of mikið en of lítið því það er alveg gott að hafa mikið krem..

17.júní kakan mín var líka þessi uppskrift (mér finnst hún bara svo góð hehe).
Gerði uppskriftina bara tvöfalda og beint í kökuform..en þá þarf hún mun lengri tíma inn í ofni.

Þessi gullmoli minn varð líka 4.mánaða í gær! Mér finnst vera endalaust langt síðan ég fæddi hann en samt finnst mer hann hafa verið ungabarn sem hélt ekki haus í gær!! Tíminn er svo fljótur að líða og ég er þakklát á hverjum degi fyrir að eiga svona heilbrigðan og flottan strák <3

Ég vil líka troða því hérna inn að ég á svo mikið bestu foreldra í heimi. Þau eru svo góð og leggja alltaf allt sitt fram til þess að hjálpa. Ég elska þau svo mikið <3

 

<3<3<3<3


Elva væmna er farin að gera sig til fyrir mömmu-hitting.
Bless í bili
xxxxxxxx